كنت فين ..؟

السلام عليكم و رحمة الله و بركاته

من فترة و أنا مختفى عن المدونة ..

الحقيقة .. كان فيه أسباب .. أسباب كتير ..

أهم الأسباب .. إنى حصلى مشاكل فى كلية العلوم ..

أنا حصلى صدمة ..
الترم الأول شيلت مادتين .. بسبب أونكل وحيد الله يسامحه و عم حسن بتاع التيار منه له ..
و طبعا على لطة .. مادة واحدة و مع السلامة يا سنة ..
جت أول مادة .. و كانت الأوبتكس و الحقيقة ماتديتهاش حقها فى المذاكرة و جت ض
و كنت عارف إنى هشلها قبل ما أطلع من الإمتحان .. و الإحباط مسكنى و بقى صحبى و حبيبى منه لله ..
لكن كنت مذاكر كويس قبل الإمتحانات .. بس زى ما قولتلك .. كنت محبط و عارف إنى هسقط .. فأخذت القرار ..

أنــــــــــ هـــحــول ـــــــا

و بنى على هذا القرار الخطير الإهمال الكامل و الشامل للإمتحانات .. على أساس إنى ماليش نصيب فى هموم كلية العلوم ..
و أسباب التحويل مقنعة تماما ..

أول سبب .. لما اتخرج هشتغل ايه ..؟؟
ما أعرفش

تانى سبب .. لما أخد شهادة الكلية .. ملتحق عام2004 و متخرج عام 2011 … كان بيعمل أيه شبع سنوات فى الكلية ..؟؟
بالتأكيد ديه شهادة طالب فاشل جدا جدا جدا فى كلية العلوم … فلو كان السبب الأول مردود فالسبب التانى .. يهدمه هدما .. بمعنى إنه لو توفر عمل فلن تتوفر لطالب فاشل ..

السبب الثالث .. خوفى من بعض المواد إللى مش عارف أزاى أنجح فيها .. زى الديناميكا

طبعا ديه أسباب طلعت يوم إمتحان الأوبتكس و عليها أخذت القرار – فاكر نفسى السادات السادات هههه- أنا أخذت القرار يا محمد هههههههههه

طبعا الأسباب ديه مخليانى مش عايز أكمل فى الكلية و أحول فى كلية تانية

فالسبب الرابع .. هو إن الطالب الأول على كلية الآداب أفضل من الطالب الأخير فى كلية الطب .. إلاااااااااا لو كان بيحب المجال ..
و الحقيقة أنا بقدر المجال .. لكن مش أنا إللى هقدر أكون فعال فيه .. – الصراحة مش عارف .. أنا فعلا بحب الرياضة و الفيزياء .. لكن حب مش عمل .. ما أنا بردوا بحب التاريخ جدا جدا جدا و بحب الجرافك .. و الإعلام .. نفسى اكون مخرج .. و بحب حاجات كتير .. لكن المهم .. أنا بعرف أعمل أيه ..؟؟ –

واحد قالهالى ..
“””نفسى أشوف أسكندرية كلها نظيفة و أنظف شوارع فى العالم .. بس مش انا إللى هعمل كده .. أنا أقدر أعمل حاجات تانية ..بس ده مش شغلى “””

أنا دلوقتى فى رحلة بحث .. عن نفسى

لكـــن لسه حيران طبعا .. نفسى أكمل فى علوم .. و نفسى أدخل آداب قسم تاريخ أو قسم إعلام .. بس مش هشتغل

و من الآخر نفسى أدخل أداب قسم الجغرافيا و أتخصص فى نظم معلومات الجغرافيا .. عاجبنى التخصص ده جدا ^_^ – السبب إنى بحب مجال الكومبيوتر و عارف إنه موجود فى علوم بس السكه ديه أسهل من العلوم المتعبة –
القسم ده عايز أخشه لسببين ..
أولا بحب مجال الحاسب الآلى و ده هيعطينى فرصة للدخول لمجال الحاسب الآلى من باب رائع جدا و هو علم الـ GIS
هستفيض هنا فى الكلام شوية ..
عارفين إن الحاسب الآلى تفرع فى كل العلوم .. و أنا أصبحت متيقن إن علوم الحاسب عندما تدرس فى كلية العلوم فهى للمجال البحثى و فقط – و هذا تفكير صحيح و لا عيب فيه –
لكن من أجل الأعمال الحياتية و العمل .. فالحاسب يدرس فى كلية التجارة لعمل برمجيات تجارية و هى الرابح الأكبر فى السوق و عشان كده هنلاقى مبرمج علوم الحاسب فاشل بجوار خريج كلية التجارة لإن بتاع التجارة فاهم قوانين المحاسبة كويس جدا ..- طبعا ممكن بتاع علوم يقرأ شوية و ياخد دورة –
و قرريبا هنلاقى تخصصات فى كليات الطب للبرمجيات الطبية إللى لازم يكون مبرمجها فاهم طب كويس جدا
و كذلك البرمجيات الكيميائية و أسألوا الدكتور وائل من السى فى بتاعه و هو متخصص فى المجال ده .. يعنى البرمجة مش قاصرة على مجال الحاسب الآلى ..بل إن مجال الحاسب الآلى كتخصص منفرد لا يصلح إلا للتطوير و ده هناك عند ماما أمريكا ..
أتمنى حد يفهمنى ^_^

طبعا لهذا السبب أنا مقتنع بكلية الآداب قسم الجغرافيا ..
لكن المشكلة إللى ظهرت فى التحويل إنى لما هحول هحول كمفصول و مستفد سنوات الرسوب من الداخل

و شوية كلام متناقض من شئون اللبة رغم إن مش مفصول إلا إنهم هيحولونى أنا و كل إللى مثل كمفصولين ..

تقريبا بيريحوا نفسهم …

المهم هدخل إنتساب طول دراسة الكلية ..

و الحقيقة ماعرفش أيه عيبوب الدراسة كمنتسب … إلا فى موضوع الفلوس حوالى 500 جنيه تقريبا

بس مش عارف أيه المزايا الضايعة التانية .. عايز أتأكد  أولا

لو حد هنا عارف يفيدنى ^_^

بس كده ^_^

و كتبت موضوع فى منتدى الأستاذ عمرو خالد و الإخوة هناك ساعدونى و ريحونى جدا و الله و بارك الله فيهم

الأخوة محمود كرم و الدكتورة سوزان حمدى  و كلهم و الله ساعدونى و خلونى أستقر و أعرف أدور و أبحث و أفكر ..

http://forum.amrkhaled.net/showthread.php?t=211106

Advertisements

5 responses to “كنت فين ..؟

  1. وعليكم السلام ورحمة الله وبركاته

    حمدالله على السلامة يا مستر ياسين 🙂
    أتمنى إنك تكون عارفني

    وعلى فكرة انت عملت انجاز رهيب انك تقعد في الكلية المدة دي كلها
    وبعدين تقول أحول
    هههههههههههه

    أنا عملتها سنتين بس وبعدها حولت كلية الأداب
    بس كنت كلية تجارة 😦

    تحياتي لك يا استاذنا
    وربنا يوفقك

  2. يا مرحبا آخ محمد ^_^

    أنا فاكر تصاميمك … ده كانت فى الرابطة فى الواجهة كمان ..

    بس مدونتك هااااايلة جدا و شكلها رائع و إن شاء الله تكونمدرسة الـ XHTML الأولى

    أنا وقف قدامى موضوع إنتساب .. و عايز أخش قسم الجغرافيا و تقريبا إنتساب ديه هتفرق مع جغرافيا كتير عشان العلمى و التدريبات الميدانية … و للآسف .. هفضل الأربع سنوات إنتساب حتى لو طلعت الأول ..
    بس مش عارف لسه .. حيران

    شكلى كده .. مش هحول من علوم

  3. الله يوفقك ماهو بس انت اللي سقطت حتى انا بعيد سنة ان شاء الله اجيب نسبة وادخل كلية الجبيل اما لما اخلص ان شاء الله بشتغل في احد مصانع الجبيل الصناعيه ^_^

  4. شوف ابغى اقولك شيء اقتبسته من المنتدى العربي للبرمجه من احد الأخوة هناك:
    – سألت مرة أحد المبرمجين الأوكرانيين الكبار وهو صاحب شركة ABF Software عن سر تمكنه من
    لغة السي ولواحقها والجافا والدلفي والفي بي بلواحقها فقال لي: يجب أن تشرب كثيرا من القهوة
    وأن لا تضع التلفاز في غرفة الحاسوب!!!
    فهمت أنه يقول من طلب العلى سهر الليالي فهو يقصد بشرب الكثير من القهوة الجلوس طويلا مع الحاسوب
    والقهوة مادة منشطة والتلفاز عدو الابتكار.
    عاد طبق انت هذ الشيء واجعل الحاسوب مكان التلفاز 🙂 ونصيحة ابقى في غرفة مافيها الا الكتب اذا كنت بالسنة الثالثة او الرابعة فأكمل وبإذن الله ستجد مبتغاك وهنالك جامعات تتخرج الأن انت منها ستجدهم مجهزين لك الوظيفة فتوكل على الله ولا تجعل ابليس يتمكن منك من ناحية فاذا وجد فيك ثغرة اليأس فسيلعب بك ويذهبك من هم الى هم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s