بكره .. هنتخب الطيب أردوجان .. عشان بيحسسنى بكرامتى

الإنتخابات بكره ..إنتخابات مجلس الشعب .. يا ترى هنزل إنتخب مين ..؟؟

أنا هنتخب أردوجان نائبا عنى .. عشان هو رجل ..

عشان هو عنده كرامه ..

عشان هو ذكى و عرف يخدم دايرته قبل ما يكون رئيس وزراء ..

عرف يخدم إقتصاد بلده ..

مش بيخاف من حد ..و بيقول للظالم فى وشه أنت ظالم و مفترى ..

رجل تقى و عارف ربنا ..

بيخاف على كرامة شعبه ..

الناس بتحبه و بتحترمه ..

عشان كده إنتخبوه ليكون نائب مجلس شعب فى العاصمة .. و عشان كده إختروه عشان يكون رئيس الوزراء و رئيس الحزب الحاكم ..

كلنا بكره هننتخب أردوجان .. الرجل الشهم البطل .. إللى وقف قدام رئيس دولة بنو صهيون و قله أنت قتلت الأطفال و النساء فى غزة ,,

وقف و قال مش هنطاطى لأمريكا و نسكت على دم الأطفال ..

رجل ماوقفش فى صف المستثمرين عشان تبقى الدولة عبارة عن شركة إستثمارية لرباطية و عصابة ..

و رجل .. ماسابش الشعب ينطحن على أيد المستثمرين ..

ماسابش شباب تركيا – آسف مصر (ما هو الحلم بيقول إن ده مرشح فى مصر) –  يطفشوا كلهم عالسعودية و قطر و البحرين ..

و رجل إنجازاته ماتكفيهاش مجلدات .. عشان تكفيها تدوينة بلغة ساذجة ضعيفة ..

كلنا بنحب أردوجان و هننتخب أردوجان ..

 

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s