مش لازم تسمع كلامى .. و مش لازم اسمع كلامك

السلام عليكم و رحمة الله و بركاته

مش لازم تسمع كلامى .. و مش لازم اسمع كلامك ..

الموضوع ده أنا هبقى أكتبه .. بس تدريجيا كده ..
بعد الإمتحانات ممكن ..

هو عن لما نختلف .. ليه بنزعل و نتضايق من بعض ..؟؟

أزاى ربنا بيقول ” لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ ﴿الممتحنة: ٨﴾

أنت فاهم يعنى أيه ؟؟
يعنى أيه تبروهم ؟؟
و تقسطوا إليهم ؟؟

دووول مين ؟؟

إللى بيقولوا إن ربنا — إنسان ؟؟
بيقولوا إن سيدنا محمد صلى الله عليه و سلم .. مش نبى ؟؟
بيقولوا إن الله .. ثلاثة !!

و رغم كده ..
أمر ربانى … تبروهم و تقسطوا إليهم ..
مش عدل بس … ده بر كمان !!
عارف يعنى إيه تبروهم ؟؟

سئل الرسول صلى الله عليه وسلم عن البر فقال:” البر حسن الخلق”

تخيل ؟؟؟

مع مين ؟؟

مع إللى بيخالفك فى العقيدة …

مع اليهودى ..؟؟؟ إللى بيقولوا ” إن الله فقير ” ؟؟
لَقَدْ سَمِعَ اللَّهُ قَوْلَ الَّذِينَ قَالُوا إِنَّ اللَّهَ فَقِيرٌ وَنَحْنُ أَغْنِيَاءُ سَنَكْتُبُ مَا قَالُوا وَقَتْلَهُمُ الْأَنْبِيَاءَ بِغَيْرِ حَقٍّ وَنَقُولُ ذُوقُوا عَذَابَ الْحَرِيقِ ﴿آل‌عمران: ١٨١﴾

و نبر إليهم و نقسط ؟؟؟

و مين كمان الذين لم يقاتلوننا فى الدين ؟؟

كل من لم يقاتلنا فى الدين تنطبق عليه الأيه ..
يعنى أى مسالم ..

كل ده .. مين ؟؟؟
ده غير المسلمين ..

ما بالك لما أكون مسلم .. و اختلف معاك ..
و تنهرنى .. و تهزأنى .. و تكرهنى .. و تكلمنى بإسلوب وحش فى المنتدى أو فى رسالة خاصة أو إيميل !!

كل ده و أنا متفق معاك فى العقيدة ؟؟؟

ده ربنا امرك تبر و تقسط لغير المسلم المسالم ؟؟؟

ما بالك أنا ..

أخوك ..

لسه للموضوع بقية ..